Вишла нова „Заградка”

автор рим
704 Опатрене

НОВИ САД – Нове, априлске число часопису за дзеци „Заградка”праве ярнє, веселе, цо видно такой по насловним боку, дзе на фотоґрафиї новосадски танєчнїки порихтани за облїванє.

„Заградка” приноши звит з „Бамби-фесту” у Руским Керестуре, зоз Зонскей смотри рецитаторох у Бачу и Медзиокружного змаганя з руского язика у Коцуре, а у литературней часци и позната руска народна приповедка „Чаловка Петро”. У новим чишлє и литературни твори Янка Раца, младей поетеси Тамари Хрин, та вецей познатих сербских писательох.

У „Малей заградки” стихи и приповедки Михайла Ковача, Янка Фейсу, Меланиї Римар, Якима Олеяра и Силвестера Макая.

У рубрики „Школяре авторе” на трох бокох состави и малюнки вредних сотруднїкох „Заградки” зоз Шиду, Руского Керестура, Коцура, Бикичу и Дюрдьова, рубрика „Здрави дух” пошвецена Дню планети Жеми, а на двох забавних бокох кажде найдзе дацо за розвагу.

ПОВЯЗАНИ ТЕКСТИ