НОВИ САД – Тих дньох вишло тогорочне фебруарске число нашого часопису за дзеци „Заградка”, у хторим зазначене и як нашо школяре и дзеци у предшколских установох означели националне швето Руснацох, а и насловни бок „Заградки” пошвецени тей подїї.
У рубрики „Фото памятки”, окрем фотоґрафийох учашнїкох „Червеним пупчу”, ту и вистки о друженю дюрдьовских дзецох зоз „Заградку”, док у литературней часци часопис приноши стихи и приповедки Дюру Папгаргая, Миколу Скубана, Михайла Ковача и преложени зоз сербского язика кратки приповедки и писнї Бошка Ломовича, Спасоя Лабудовича, Перу Зубца, Лїляни Крстич, а представена и кнїжка Зорици Кубурович „Школа за русалки”.
У „Малей заградки” наймладшим понукнути велї илустрациї за фарбенє, а на 19. боку представени двойо школяре и їх гобиї: Лука, котри склада макети и Марина, котра люби читац кнїжки. И у найновшим чишлє „Заградки” єст рубрики за розвагу.