Вишла юнийска „Заградка”

автор рим
875 Опатрене

НОВИ САД – За конєц школского рока дзеци достали нову, юнийско-юлийску „Заградку”. На насловним боку нашо наймладши котри участвовали на Змайових дзецинских бавискох у Новим Садзе, а ту и фотоґрафия з програми з нагоди Дня школи у Руским Керестуре. О тей подїї, як и о креативних роботньох у Сримскей Митровици, та о учасци дюрдьовских танєчнїкох на „Беби аґзиту”, вецей пише на 2. боку „Заградки”.

Приповедки, писнї и басни наших писательох Миколи Скубана, Миколи М. Кочиша, Ксениї Варґа, Серафини Макаї, Агнети Бучко Папгаргаї виполнєли аж седем боки того числа, а и три боки у „Малей заградки” пошвецени кратким стихом и приповедком за найменших читачох.

У тим чишлє представени и штверо школяре ґенерациї: у Руским Керестуре, Коцуре, Дюрдьове, Бачкей Тополї и найлєпши школяр у Бачинцох, як и успишни рецитаторе, музичаре, потим учашнїки на Републичним змаганю з руского язика и зоз сербского як нємацеринского язика.

У найновшей „Заградки” обявени и мена школярох наградзених на Смотри славянскей писменосци у Тителю и даскельо наградзени литературни роботи, а хторе руске оддзелєнє преглашене за найвреднєйше у тим школским року, мож дознац на 26. боку часопису.

ПОВЯЗАНИ ТЕКСТИ