РУСКИ КЕРЕСТУР – У керестурскей парохиї св. оца Миколая вишло треце тогорочне число християнского часопису „Дзвони”, хторе з найвекшей часци пошвецене швету Велькей ноци.
„Дзвони” приноша и Вельконоцну винчованку по руски и по українски нашого владики Георгия, у рубрики „Вира и живот” обявени виривок з казанї о. Петра Романишина з Канади, а у рубрики „Преглїбйованя” фра Звєздана Линича.
Рубрика „Стереотипи” приноши текст „Поєдинєц”, рубрика „Слово живота” преглїбює виреченє з Євангелиї „Шицким сом бул шицко”, а „Сримски дожица” розпатраю „Нєобични перши причасци”. Ту и предлуженє о историї и сучасносци Каритасу.
Нови „Дзвони” призначую и актуалносци з вселенскей Церкви, рижни новосци и подїї з наших парохийох, тиж и рижни шведоченя з християнского живота, а вишло и предлуженє Додатку „Богословска думка”.