МИКЛОШЕВЦИ (ГОРВАТСКА) – На штварток, 19. юния, з початком на 17 годзин у Подручней школи Миклошевци, отрима ше пригодну програму з нагоди 20 роки як збудовани нови школскио будинок.
Штредком 2005. року Министерство науки, образованя и спорту Републики Горватскей принєсло одлуку о вибудови новей школи. Роботи почали штредком децембра истого року, а шветочне отверанє було 2. септембра 2006. року.
У новим будинку школи єст: два учальнї, кабинет, кухня, тоалети и єднохижови квартель котри з часом присподобени за учальню руского язика. На дворе направени терен за мали спорти. Цала инвестиция коштала коло 2,5 милиони куни або 300 тисячи евра.
Будованє старей школи и учительских квартельох почало 1904. року, а закончене є влєце 1905. року. Будинок Миклошевчанє хасновали полни сто роки.
