НОВИ САД – У виданю „Херор медия понт”, вишол зборнїк роботох и наступох зоз 3. Медзинародней конференциї пошвеценей меншинским и локалним медийом, отриманей прешлого новембра у Новим Садзе.
Публикацию мож превжац на тим ЛИНКУ.
НВУ „Руске слово” на тей конфенерциї мало окремни панел под назву „Руска култура и туризем” на котрим участвовали предсидателька Туристичного здруженя Руски Керестур Любица Няради, новинар Яким Винаї и новинарка Блажена Хома Цветкович.
Виривки з їх презетацийох обявени у тим зборнїку по сербски и анґлийски, а модераторка панелу була Ясна Ковач.
На Конференциї главна тема була улога и значносц меншинских и локалних медийох у одкриваню туристичних потенциялох Войводини.
Орґанизаторе Конференциї „Херор медия понт”, НВУ „Мадяр со”, Сторителер, НВУ „Руске слово”, Центер за розвой меншинских и локалних медийох и Асоцияция медийох у сотруднїцтве зоз МИДАС-ом.