НОВИ САД – Вчера вишло друге число МАК-у у тим року, а з нїм и подкладача за погари и шольки, як и означовача за кнїжки, хтори на своїх роботньох направели млади з КУД „Тарас Шевченко” з Дюрдьова.
Праве прето у фебруарским МАК-у „У фокусу” млади з КУД „Тарас Шевченко”, алє и мултиязична представа „Свадзба”, та Канаме Окано з Япону.
Рубрика „МАК-ов колаж” пише о активносцох популарней музичней орґанизациї Drop sensei, „Упечатки” о Дзивоцких вечарох, а „Спорт и рекреация” о гокею и флорболу, як и о успишним студентови ДИФ-у Борисови Барнови з Керестура.
У „Куцику совитох” мож пречитац о тим як ше вибориц з пирщками, у рубрики „Упознай себе” понукнуте ришованє тесту, а прейґ рубрики „Направ сам” мож научиц як у даскелїх крочайох виробиц декупаж подкладаче за погари и шольки.
