НОВИ САД – Вишло нове число часопису МАК, з тему „Млади и бизнис”, а як додаток вишол и МАК-ов 20. музични компакт-диск забавних авторских композицийох. Тераз МАК обявел CD Златка Русковския „Лєм єден погляд”, а композициї шпиваю Анамария Колошняї, Танита Ходак и Саня Полдруги.
У септемберско-октоберским чишлє представени нашо млади поднїмателє з вецей местох, котри маю свойо власни бизниси.
У МАК-у и стаємни рубрики „Збуло ше”, „Так и нїяк иншак”, „Студентски кухар”, та и интервю з автором компакт-диску Златком Русковскийом з Руского Керестура и фотоґрафку Андреу Новак з Коцура.
