НОВИ САД – Стреду, 19. октобра, вишло октоберске число младежского часопису МАК, а „У фокусу” му наш познати дзешецбоєц Михаил Дудаш, як и нєдавно отримана „Акустика Рутеника” у Руским културним центре у Новим Садзе.
„МАК-ов колаж” пише о Александрови Бесерминьови з Коцура, котри ше пол рока школовал у Финскей, а „Спорт и рекреация” представя ґимнастичарку Ивону Гнатко з Вуковару.
„Швет технїки и технолоґиї” пише о тим кельо млади препровадзую свой час так же бавя видео бависка, а у рубрики „Упознай себе” мож поробиц тест о типох интелиґенциї.
У „Куцику совитох” розгварка з єдну з перших руских блоґеркох – Александру Дудаш з Руского Керестура, котра тераз жиє у Шведскей, а у рубрики „Направ сам” указане як виробиц креативну винчованку.
И у тим чишлє МАК обявює поезию младих авторох, а представя и Ивану Медєши з Керестура, котрей гоби фотоґрафия.