Вше успишнєйша Реґионална конференция о меншинских и локалних медийох

автор ядю/зам  фото апв/вев
816 Опатрене

НОВИ САД – Реґионална конференция о меншинских и локалних медийох, пията по шоре, отримана вчера у Новим Садзе у замку Едьшеґ, у орґанизациї „Мадяр соу”, „Герор медия понту”, Асоцияциї медийох и „Giacomelli medii”, под покровительством ресорного републичного министерства и покраїнского секретарияту.

Конференцию отворел подпредсидатель Покраїнскей влади Дьордє Миличевич котри визначел же финансованє меншинских медийох у Войводини стабилне, же того року за 22 новини на 8 язикох з покраїнского буджету видвоєни вецей як 264 милиони динари, цо 90 одсто з цалосних видвойованьох за потреби шицких медийох у нашей покраїни, уключуюци и за тоти по сербски.

– Найменєй тельо будзе плановане и у буджету за 2017. рок, цо знова обезпечи стабилне и отримуюце финансованє видавательох – наглашел  Миличевич, додаваюци же велї медиї на меншинских язикох, насампредз на локалним уровню, приватизовани, так же Покраїнска влада видвої средства и за проєктне финансованє тих медийох. Ґу тому, у складзе з можлївосцами, поможе и у звладованю виволаньох хтори принєсла ера интернету и диґиталних технолоґийох.

V Regionalna konferencija posvecena manjinskim i lokalnim mediji

Заменїк директора Канцелариї Влади Сербиї за европски интеґрациї Срдян Майсторович гварел же Министерство култури и информованя планує виробок новей медийней стратеґиї, хтора будзе основа за розвиванє законскей реґулативи у тей обласци.

На тогорочней Конференциї орґанизовани три панел-дискусиї, на хторих бешедоване о меншинских и локалних медийох у европским контексту, о феномену идентитету, та и о нових медийних концептох.

Панелисти, припаднїки вецей националних меншинох, були з обласци новинарства, представителє Привредней комори Сербиї, фаховци з обласци маркетинґу, а шицки бешедовал у складзе з тогорочним мотом Конференциї – „Заєднїци нового часу – з якима новима медийнима концептами ше меншински и локални медиї маю представиц у будучносци”.

На Конференциї присуствовали и представителє НВУ „Руске слово”.

V Regionalna konferencija posvecena manjinskim i lokalnim medijima Novi Sad

ПОВЯЗАНИ ТЕКСТИ