ЗОМБОР/КУЛА – Награду Реґионалней привредней комори Зомбор „Капитан Миша Анастасиєвич” за 2014. рок достал и Деян Банатски, снователь подприємства „Терминґ” д.о. з Кули, за дїловну визию, а Награда му уручена пияток, 19. децембра, у Велькей сали Жупаниї у Зомборе.
Банатски награду достал за хаснованє обновююцих жридлох енерґиї за зогрованє, насампредз биомаси, з чим ше занїма кулски „Терминґ”. Нєшка тото подприємство зоз стратеґийним партнером зоз Словацкей основало фирму „АТИ-Термнинґ”, хторе тераз водзи Бранислав Банатски, медзи водзацима у тей обласци.
Попри Банатского, спомнуту награду достали амбасадорка Австралиї Юлия Фини, Город Зомбор, компания „Сомболед” зоз Зомбора, примариюс др Дєрдя Шарич, предсидателька Дружтва за борбу процив рака за найжену у Заходнобачким округу, Народни театер Зомбор и други успишни фирми и поєдинци.