ВЕРБАС – Вербаске Явне подприємство „Дирекция за вибудов” достало сертификат за Систему менаджменту з енерґию ИСО 50001, а документ директорови того подприємства Иґорови Миловичови и руководительови Канцелариї за енерґетски менаджмент (КЕМ) Николови Вуйовичови придал представнїк сертификацийней хижи Lloyd’s Register LRQA Владимир Чосович.
Як з тей нагоди визначел заменїк предсидателя Општини Милан Ґлушац, Вербас будзе єдна з перших општинох, а „Дирекция за вибудов” єдно з перших явних подприємствох у Европи, хтори маю тот стандард.
Директор „Дирекциї за вибудов” Иґор Милович здогаднул на числени проєкти хтори витворени на планє енерґетскей ефикасносци, а Чосович похвалєл вербаску КЕМ, „Дирекцию за вибудов” и Општину Вербас, бо у занїманю з енерґию и защиту животного штредку пошли найдалєй.