ШИД – З нагоди школскей слави Святого Сави пияток у шицких школох и предшколскей установи означене швето просветителя Святого Сави, а централна преслава була всоботу у сали Културно-образовного центру на хторей домашня академиї була Основна школа „Сримски фронт“.
Окрем пригодней програми уручени и „Святосавски награди“ хтори достали 14 школяре основних и штреднїх школох и музичней школи, потим седем просвитни роботнїки, як и єден тим за инклузию миґрантох, а награди им придал Предраґ Вукович, предсидатель Општини Шид.
Вчера, 27. януара, у Спортскей гали концерт под назву „Ускликнимо с любавлю“ отримало СКУД „Святи Сава“, а наступели виводзацки и младежски ансамбл дружтва, як и народни оркестер.
Госци на концерту були КУД „Дїдо“ з Бечею, Танєчни ансамбл „Бранко Радичевич“ зоз Сримскей Митровици и Трубацки оркестер Даниєла Йокановича.