Дотераз найуспишнєйша акция даваня креви

автор тах
1.2k Опатрене

КОЦУР – Вчера дополадня у просторийох Добродзечного огньогасного дружтва (ДОД) у Коцуре отримана акция даваня креви, хтору ДОД у сотруднїцтве зоз Службу за трансфузию креви Общого шпиталю Вербас орґанизує два раз до рока. Терашня  традицийно орґанизована на Дзень залюбених и була петнаста у орґанизациї ДОД.

Як виявел предсидатель ДОД Златко Надьфеї, акция оценєта як найуспишнєйша дотераз, понеже назберани дацо вецей як пейдзешат єдинки креви, а потримали ю и член Општинскей ради Општини Вербас Йована Вуйтович и предсидатель Совиту Месней заєднїци Коцур Желько Бєлан, котри и сам дал крев.

Предсидательови ДОД др Миряна Ґутеша зоз Служби за трансфузию креви уручела Подзекованє за окремне закладанє з нагоди петнастей акциї добродзечного даваня креви хтору орґанизовало ДОД Коцур.

 6-DOD-02

ПОВЯЗАНИ ТЕКСТИ