НОВИ САД – З нагоди дочеку Нового року по юлиянским календаре нєшка на вечар у Новим Садзе главне мено на Площи шлєбоди будзе познати шпивач Ґоран Бреґович.
Програма почнє на 21 годзин, кеди наступи ансамбл „Зоруле”, потим ґрупа „Ґарави сокак”, а Нови рок нащивителє дочекаю з Бреґовичом. На пол ноци будзе и огньомет, наявели з Городскей хижи.
На Площи шлєбоди будзе анґажована дежурна служба за меркованє на порядок, а до концертного простору забранєне уношиц оружиє, пиротехнїчни средства и напой.