КОЦУР – Европски дзень язикох, хтори пада нєшка, у коцурскей Основней школи „Братство єдинство” вчера на интересантни способи означени на годзинох виучованя язикох.
Окрем руского и сербского, у коцурскей Школи школяре уча английски, та французки и италиянски язик як виборни. На годзинох язикох вчера бешедоване о їх значносци, як и о самим означованю Европского дня язикох.
Годзини странских язикох були виполнєти з правеньом паноох, хтори познєйше виложени у голу Школи. На годзини французкого дзеци мали задаток пренайсц цо вецей слова французкого походзеня у сербским, односно руским язику.