КУЛА – Кажди рок од 16. по 22. септембра означує ше Европски тидзень мобилносци, манифестация котрей покровитель Совит Европи, а уж други рок означи ше и у општини Кула.
Тота манифестация фаворизує нємоторизовани способи превоженя у одношеню на автомобилни транспорт котри хаснує фосилни горива, а пре унапредзенє квалитета живота у урбаних штредкох.
Як наявел предсидатель Општини Кула Дамян Милянич, манифестация у Кули будзе промотивного характеру и будзе фаворизовац при гражданох и явносци пешаченє, бициґлизем и авта на електрични погон.
Найвецей активносци буду отримани у предшколскей установи и у школох, дзе буду спортски Бависка без гранїцох.
Европска комисия одлучела най тема тогорочней Европского тижня мобилносци будзе Отримуюца мобилносц за здравши живот, а вибрани мото Рушайме ше отримуюцо! Останьме здрави!