ШВЕТ – У анализованих 190 державох швета, 83,4 одсто женох трима же су релиґиозни, наспрам 79,9 одсто хлопох, а пошвеценосц женох ґу релиґиї вираженша при християнох, указало виглєдованє хторе окончел америцки „Pew Research Center”.
Гоч хлопи частейше снователє релиґийох (Аврам, Мойсей, Исус, Мухамед, Буда итд.), жени вельо пошвеценши шлїдбенїки. У Зєдинєних америцких державох 64 одсто женох гвари же релиґия барз важна, цо дума лєм 47 одсто хлопох.
Жени релиґиознєйши у цалим швеце, алє єст и вельки розлики медзи релиґиями. Християнки релиґиознєйши и частейше ходза до церкви у одношеню на хлопских припаднїкох тей вири, док муслиманє и муслиманки приблїжнєйши у ступню релиґийносци.