КУЛА – Општинска рада Кула вчера утвердзела предлоги одлукох о вименкох и дополнєньох сновательних актох явних комуналних подприємствох у Кули, Сивцу, Червинки и Руским Керестуре, як и ЯП „Завод за вибудов” Кула.
Утвердзене и Ришенє о даваню согласносци на Програму дїлованя ЯКП „Руском” у Керестуре за 2015. рок, Одлука о надополнєню за защиту и унапредзенє животного штредку на териториї кулскей општини, як и Програма хаснованя буджетского фонду за защиту и унапредзенє животного штредку у идуцим року. После доставаня согласносци од ресорного министерства, спомнута програма будзе важаца од 1. януара идуцого року.