НОВИ САД – У Руским културним центре, вчера, 22. децембра, отримана традицийна школярска програма „Пахулька”, з хтору новосадски дзеци котри уча руски язик у новосадских основних школох, закончую перше полроче и дочекую крачунски и новорочни швета. Гоч того року жима блага, та нє спаднул шнїх, школяре одрецитовали велї стищки руских поетох о жими, шлїщанкох, шнїгу, пахулькох и шицких жимских радосцох.
Дзепоєдни школяре грали на гушлї, флаути и гармоники, а шицки вєдно одшпивали Дїдови Мразови новорочну шпиванку„Трицец и першого” и од нього достали дарунки.
Програму пририхтали професорки руского язика Оля Яковлєв и Ана-Мария Рац, у сотруднїцтве з РКЦ, а програму водзели Марина Грубеня и Михаил Пап.
