РУСКИ КЕРЕСТУР – Млади каратисти керестурского Русину вчера участвовали на турнире у Кули, хтори орґанизовани з нагоди означованя 40-рочнїци бавеня каратеа у тим месце.
Екипно у борбох, у катеґориї надїйох, Русин освоєл перше место, а у поєдинєчних борбох у истей катеґориї Мартина Рац освоєла перше, а Сара Планчак друге место. Вони два ше змагали и у спомнутей екипи хтора освоєла перше место.
У катеґориї пионирох у борбох перше место освоєл Андрей Дудаш, а друге Ґлориян Штранґар, котри друге место освоєл и у катох. На змаганю з Русину участвовал и Мижо Баран.