НОВИ САД – Члени керестурского Здруженє паприґарох „Капсикум анум” всоботу, 6. децембра, у Новим Садзе участвовали на науковим сходзе о сучасней продукциї желєняви, у орґанизациї новосадского Польопривредного факултету и Здруженя заградкарох Войводини, чий колективни член и керестурски паприґаре. На сходзе були и представителє керестурского подприємства Те-пам”.
О рижних аспектох и найсучаснєйших рушаньох у заградкарстве викладали еминентни професоре Польопривредного факакултету, а попри заградкарох, на сходзе участвовали и други актере у ланцу продукциї, як цо представителє нашеньских и хемийних подприємствох.
Керестурске Здруженє паприґарох уж даскельо роки участвує на тим сходзе, а тераз були 17 члени. Здруженє мало и свой штанд з промотивним материялом и жимнїцу з паприґи.
Одход Здруженя на наукови сход прейґ конкурсу потримал Покраїнски секретарият за польопривреду, а з тих средствох Здруженє 11. децембра вифинансує и нащиву до нєдавно отвореного Реґионалного едукативного центру у Зомборе, дзе им домашнї будзе Владимир Сабадош з Польопривредней фаховей Служби.