РУСКИ КЕРЕСТУР/МАРИЯПОВЧ (МАДЯРСКА) – Керестурски парохиянє нєшка одпутовали на дводньове паломнїцтво до Мадярскей, дзе перше нащивя Сеґедин, а потим, з представителями тамтейшей грекокатолїцкей парохиї, Марийово святилїще Марияповч.
Паломнїцтво финансує парохия у Сеґединє прейґ проєкту о сотруднїцтве грекокатолїцких парохийох, понеже у нїм за сотруднїцтво вибрала керестурску парохию.
Як дознава Рутенпрес, представителє сеґединскей парохиї нащиву враца 19. и 20. децембра, а нащивя нашо парохиї у Новим Садзе и Руским Керестуре.