БИКИЧ – Всоботу, 21, фебруара, у Доме култури у Бикичу, у орґанизациї КПД „Иван Котляревски”, отримани ювилейни 20. бал, на хторим були коло 140 госци з Бикичу, зоз сушедних местох дзе жию Руснаци, з других наших местох, як и з Петровцох, з Горватскей.
Коло смачней вечери, доброго напою и гудацох з Руского Керестура и Нового Саду, баловало ше до ранших годзинох.
У „Танцу шерца” победзели Желька Лазор з Бикичу, котра достала стриблово миндюши и Желько Ковач з Руского Керестура, котри достал вино. Главну награду на томболи – столїк, хтори даровал майстор Дарко Шолтис, достала Андєлка Йованович з Беркасова.
На балє була и делеґация Националного совиту Руснацох, на чолє з предсидательом Славком Рацом.
