НОВИ САД – Студенти факултетох Универзитету у Новим Садзе (УНС) ше можу приявиц за студиранє на рижних европских факултетох у 2015/16. року, хтори ше находза у мрежи Кампус Европа.
На конкурс нє можу конкуровац бруцоше, а попри тим, условиє же би кандидат знал бешедовац по английски, же би му просек оценох бул понад осем, а важне и же би нє обнавял рок. Студентох котрим штредня оцена векша як дзевец, за участвованє на Кампусу Европа годзен софинансовац Покраїнски секретарият за образованє, пише новосадски Дневник.
Держави у мрежи Кампус Европа то Шпания, Польска, Финска, Литвания, Русия, Французка, Австрия, Нємецка, Портуґалия, Греческа, Луксембурґ, Кипар и Естония.
Информациї о програмох студираня у иножемстве мож достац на сайту УНС – www.uns.ac.rs/sr/campusEuropae