ДЮРДЬОВ – Хореоґраф Союзу Русинох Горватскей Звонко Костелник прешлей нєдзелї у Дюрдьове, у КУД „Тарас Шевченко” поставел два нови танци – Венчик руских народних танцох и єден танєц з Буковини, хтори ше танцує на свадбох.
Костелник танци поставел з танєчнїками дзецинскей и виводзацей ґрупи, а премиєрно буду виведзени на традицийним Рочним концерту КУД – на Вельку ноц по юлиянским календаре, 1. мая.
З тим предлужене вецейрочне сотруднїцтво дюрдьовского КУД з хореоґрафом Звонком Костелником, а увежбованє танцох предлужели уметнїцки руководителє тих двох фолклорних ґрупох.