КОЦУР – Шаховски клуб Омладинєц з Коцура вчера бавел остатнє змаганє у тей сезони и у остатнїм, 8. колє, у Коцуре з першопласовану екипу Сента одбавел нєришено 4:4.
Екипи ше так порадзели, цо у шаху дошлєбодзене, же би тото змаганє одбавели нєришено, понеже таки резултат одвитовал обидвом екипом.
На концу тей сезони Омладинєц завжал 3. место на таблїчки, а цалу сезону одбавел без порядного финансованя, лєм з помоцу спонзорох и членох Клубу.