ДЮРДЬОВ – У полней сали КУД „Тарас Шевченко” у Дюрдьове, вчера, на Други дзень Крачуна, отримани традицийни Крачунски концерт.
З рижнима колядами и шпиванками младши члени Дружтва, поєдинци и шпивацки ґрупи, дзеци з дзецинскей заградки и школяре з основней школи котри виучую руски язик и нашу виронауку, шицким повинчовали найрадоснєйше християнске швето.
На програми участвовал и старши, алє и младша тамбурови оркестер Дружтва, хторому то бул перши явни наступ.
Приповедку о народзеню Исуса Христа усмено и з фотоґрафиями святей жеми, образох и других прейґ видео-биму виприповедали школярки висших класох ОШ.
Програму и учашнїкох пририхтали учительки Геленка Салаґ и Геленка Кухар, вироучителька Наташа Холошняй, вихователька Оля Балїнт, учителька фолклору у КУД Тамара Салаґ, хори пририхтала Сенка Станкович, оркестри Михал Лїкар, а за пакецики за шицких учашнїкох остарал ше Управни одбор КУД „Тарас Шевченко”.
