Леонела Цифрич з Керестура на Европским змаганю з транспорту

автор маф
1.1k Опатрене

РУСКИ КЕРЕСТУР/ПРАГА (ЧЕСКА) – Школярка седмей класи рускокерестурскей ОШ „Петро Кузмяк” Леонела Цифрич, зоз своїм наставнїком Зденком Шомодїйом, нєшка одпутовала до Праги у Ческей, як член державней репрезентациї Сербиї на Европским змаганю з транспорту. Змаганє будзе од 22. по 25. септембер, а змагаю ше школярски екипи зоз скоро 30 европских державох.

Нєшка на вечар за змагательох предвидзени брифинґ змаганя,  на ютре и саме змаганє, составене зоз штирох полиґонох и двох тестох, а буду и два факултативни роботнї хтори ше нє бодує. На ютре вечар предвидзене преглашенє побиднїкох, а на соботу за учашнїкох будзе орґанизоване туристичне обиходзенє Праги.

Попри нашей Цифричовей, у державней репрезентациї Сербиї ище дванацрочна Миляна Веселинович з Нишкей Банї, дзешецрочни Никола Йович з Нишу и єденацрочни Петар Лукич зоз Сримскей Митровици.

3-Cifric-02

 

ПОВЯЗАНИ ТЕКСТИ