НОВИ САД – Перша Реґионална литературна конференция „Book Talk 2015” отримує ше у Новим Садзе од 3. до 5. септембра на даскельо розличних локацийох.
Орґанизатор Реґионалней литературней конференциї; на хторей ше зишли велї писателє, прекладателє, видавателє и читателє з цалого реґиону, „Color Press Groupа” з Нового Саду.
През три днї манифестациї будзе коло 200 учашнїкох з госцами хтори у Ґалериї Матици сербскей и Памятней збирки „Павла Белянского” буду дискутовац на тему литератури.
-Циль идеї же би ше промововало вредносц кнїжки у каждим смислу и же би ше порушало дзепоєдни теми хтори провадза кнїжку у нєшкайшим диґиталним чаше – гварела ПР манифестациї Єлена Савич.
Предсидатель и власнїк „Color Press Group”-и Роберт Чобан виявел же ше з основней идеї народзели ище идеї о провадзацих змистох манифестациї, та так запровадзена и акция же би кажде хто чита кнїжку у городским автобусу лєбо на автобускей станїци достал на дарунок ище єдну кнїжку. – Нашо волонтере подзелєли вецей як 300 кнїжки у Новим садзе, а у акциї участвовали велї видавателє – виявел Чобан.
На першей Реґионалней литературней конференциї участвовали велї познати особи зоз швета литературней творчосци як цо Светислав Басара, Ласло Веґел, Марко Видойкович, Александар Ґаталица, Биляна Срблянович и други.