НОВИ САД – Пре сушу и нєвигодну хвилю, тогорочни урожай кукурици менши у одношеню на обчекованя. Тераз слика рижнородна, а фаховци гваря же будзе добре кед штреднї урожай будзе од 4 до 4,5 тони по гектару.
– Того року на лєпших польох урожай будзе од 6 до 8 тони по гектару, алє чежко же дойдзе до 10 тони – гварел за РТВ Дьордє Йоцкович зоз Институту за польодїлство и заградкарство, а продуковательом препоручує же би роздумали чи кукурицу такой предаю, чи причекаю добру цену, понеже цена будзе роснуц пре дефицит тей култури.