ВЕРБАС – У главней програми 47. Майскей вистави у Беоґрадзе у Хижи краля Петра, виложени и малюнок нашого уметнїка Влади Нярадия з Вербасу. Тота вистава у орґанизациї Здруженя подобових уметнїкох применєних уметносцох и дизайнерох Сербиї, представя рочни пресек творчосци найлєпших уметнїкох зоз жеми.
Дїло з назву „Ruthenian”, з циклусу „Карпатски мит”, ище нїґдзе нє виложене, а настало того року инспироване з медведзом котри часц руского гербу и текстуалней часци „Ruthenian” котра укомпонована як состойни елемент малюнка.
Як за Рутенпрес визначел Няради, вон конкуровал з тим малюнком з цильом промовованя Руснацох през подобову уметносц, цо и по тераз робел през свойо роботи. Вон додал же селекцийна комисия учишлєла його малюнок до вистави, цо йому єдна жирирана вистава вецей, а потераз їх мал вецей як 600.
Няради визначел же то за Руснацох велька чесц, бо их праве таки малюнок, з националним знаком, представя широкому авдиториюму.