БЕОҐРАД – Младежска мишана шпивацка ґрупа КУД-а „Жатва” внєдзелю, 8. децембра, госцовала у студию РТС-у на Кошутняку, у Беоґраду.
Коцурски млади знїмали прилог за емисию ,,Нашо Крачуни” котра будзе емитована на Першим програму РТС-у 24. децембра на 23 годзин. У емисиї буди представени крачунски обичаї числених националних заєднїцох котри жию у Войводини.
З тей нагоди младежска мишана шпивацка ґрупа одшпивала коляду, за цо их пририхтала Агнета Тимко-Мудри, а на гармоники их провадзел Павле Венчельовски зоз Руского Керестура.
За тото госцованє младих зоз Коцура предложел Национални совит Руснацох. Як гварел предсидатель КУД „Жатва” Микола Шанта, було то вельке и красне искуство участвовац у такей велькей продукциї.
