ПАНЧЕВО – Члени Банатскей асоцияциї польопривреднїкох тримаю же би млади польопривредни продукователє котри першираз реґиструю ґаздовства, од держави требали достац стимулацийни средства, як и други при самообезпечованю роботи.
– Наш предлог же би ше им давало 10 гектари державней жеми, перши рок безплатно, а познєйше под аренду. На тото способ би ше помагало младим же би остали у валалох и дало им мотивацию за початок – виявел секретар банатскей асоцияциї польопривреднїкох Ненад Манич.
Банатски парасти предкладаю компетентному минситерству же би держава младим польопривреднїком субвенционовала камати на кредити хтори подзвигую пре снованє ґаздовствох. Наводза же од министерки польопривреди Снежани Боґосавлєвич достали прешвечованя же предлог будзе послати Влади на розпатранє.