Можлїве же Войводина вецей нє будзе мац инспекцийне надпатранє у образованю

автор сен
941 Опатрене

НОВИ САД – Пошвидко буду орґанизовани явни розправи о новим законє о инспекцийних службох у образованю, хтори предвидзує утаргованє задлуженя Войводини и локалних самоуправох за инспекцийне надпатранє. З тим новим законом инспекцийне надпатранє плановане преруциц до Министерства просвити.

Заменїк покраїнского секретара за образованє Александар Йованович спозорел же така одлука републичней власци процивна шицким европским и началом сучасней политики.

Йованович потолковал же Войводина мала улогу инспекцийного надпатраня, найчастейше другоступньове надпатранє, док локални самоуправи окончовали надпатранє першого ступню.

– Ми и надалєй будземе мац обовязки обнавяц предшколски, основни и штреднї школи, набавяц опрему, плациц усовершованє кадрох, путованя школярох, а нє будземе надпатрац їх функционованє – гварел Йованович и додал же то загрожи квалитет контроли роботи образовних установох.

ПОВЯЗАНИ ТЕКСТИ