БЕОҐРАД – Министерство польопривреди и защити животного штредку прилапело предлог Републичней дирекциї за робни резерви о натуралней черанки меркантилного за сертификоване нашеньске жито тогорочного роду – сообщене з Министерства, цо допоможе парастом и задруґом у тогрочней шатви жита. Согласносц дата и за черанку нарок, з нового роду жита.
Того року за килограм нашеньского жита треба дац 1,8 килограми меркантилного, а нарок то будзе два кґ меркантилного за 1 нашеньского.
Право на черанку маю ношителє активного реґистрованого польопривредного ґаздовства, землєдїлски задруґи и правни особи реґистровани за продукцию жита, та овласцени маґазини Републичней дирекциї за робни резерви.