НОВИ САД – На нєдзелю, 4. октобра, у Новим Садзе будзе отримана манифестация „Вельке коло за Ґиниса”, на хторей члени културно-уметнїцких дружтвох, уметнїки и други гражданє попробую направиц, односно одтанцовац найдлугше коло на швеце и так войсц до Ґинисовей кнїжки рекордох.
Буду участвовац фолклорни дружтва з Нового Саду, медзи нїма и танєчнїки з Руского културного центру, потим з Републики Сербскей, Чарней Гори и з дияспори, а орґанизаторе поволую шицких заинтересованих, без огляду на роки, же би ше приявели за участвованє.
Учашнїки „Бачке”, „Катанка” и „Ужичке” коло буду танцовац по Булеваре княза Милоша, Футожскей драги, Булеваре Европи и Булеваре Войводи Степи, наявели орґанизаторе.