На бокох „Нашо места” у найновшим, 22. числу, медзи иншим сце годни пречитац – Основна школа „Петро Кузмяк” з Руского Керестура, у рамикох проєкта „Стретнуца наставнїкох сербского язика як нємацеринского”, була домашня єдней ґрупи наставнїкох општинох з югу Сербиї; на схадзки Скупштини општини Шид найвецей розправи виволали звити о роботи Општинскей управи за прешли рок, роботи општинского Штабу за позарядово ситуациї, приватизациї Радио Шиду и запровадзованє поступку ликвидованя Спортского центру; до першей класи Основней школи „Петро Кузмяк” у Руским Керестуре прешлого тижня ше уписали 37 будуци школяре у школским 2015/16. школским року, и тото число достаточне же би ше оформело два оддзелєня.