ЧЕРВИНКА – На Зонскей смотри жридловей и фолклорней творчосци, хтора будзе на нєдзелю, 14. юния у Доме култури у Червинки, буду участвовац и члени наших КУД-ох з Коцура, Кули и Нового Орахова, як и з Дому култури Руски Керестур.
З КУД „Жатва” з Коцура на Зонску смотру ше пласовали Женска шпивацка ґрупа и фолклорна ґрупа, з КУД „Петро Кузмяк” з Нового Орахова и Руского КУД „Др Гавриїл Костельник” з Кули женски шпивацки ґрупи, а з керестурского Дому култури Дзивоцка, Женска и Хлопска шпивацка ґрупа, Тамбурови оркестер и Фолклорна ґрупа ветеранох.
На Смотри участвую и музично-фолклорни ансамбли з Вербасу, Кули, Сивцу, Бачкей Тополї и Старей Моравици, а буду их оценьовац хореоґраф Любомир Вуйчин и етномузиколоґ Боян Милинкович.