РУСКИ КЕРЕСТУР – Наютре, 22. юлия, у Руским Керестуре почнє 3. по шоре Турнир у малим фодбалу 3 на 3, а екипи мож приявиц по нєшка (штварток, 21. юлий) по 21 годзин, кед ше отрима вицагованє парох.
Змаганя ше будзе отримовац у Старей школи, а найлєпши достаню и богати награди – награда за перше место виноши 150 евра и ґайба пива, за друге место 80 евра и палєнка, а трецопласовани достаню 50 евра и сок.
Котизация по екипи виноши 4.000 динари, а приявиц ше може кажде, без огляду на роки старосци.
Хвильково за участвованє на Турниру приявени 12 екипи, а попри домашнїх, приявени и екипи зоз Лалитю, Бачкого Ґрачцу, Кули и Савиного Села.
Турнир помали достава епитет традицийного, понеже ше орґанизує од 2019. року, з тим же нє бул отримани лєм 2020. року пре пандемию, а як наявюю орґанизаторе, Турнир би требал буц наймасовнєйши потераз, понеже традицийни Ноцни турнир у фодбалу того року найвироятнєйше нє будзе орґанизовани.
Турнир будзе тирвац од 10 до 15 днї, у зависносци од конєчного числа приявених екипох, будзе ше отримовац каждого вечара од 20,30 годзин, а у ґрупней фази турнира уход будзе шлєбодни.
За вецей информациї мож ше явиц на числа телефона 065/511-9779 аби на 065/3373-006.