ВЕРБАС – Вчера, на Богоявленє, у старовербаскей парохиї Покрова Пресвятей Богородици по Служби Божей пошвецена вода, а парох о. Алексий Гудак почал пошвецанє обисцох.
И того року у Старим Вербаше буду пошвецени коло 250 обисца, а пошвецанє будзе тирвац осем днї. Нєшка, стреду, пошвецанє будзе у улїци Йовґена Сивча, на штварток у Войводянскей, Сонї Маринкович, Вука Караджича и Петра Шеґульова, а на пияток у Драпшиновей и Доситейовей.
Вода вчера, по Служби Божей, пошвецена и у нововербаскей парохиї Святого Владимира, а пошвецанє води нєшка будзе у Змаєве, дзе парох о. Иґор Вовк нєшка пошвеци и обисца.
Пошвецанє обисцох у Новим Вербаше почнє на ютре, а буду пошвецени коло 150 обисца.
