РУСКИ КЕРЕСТУР – Вчера, на Други дзень Велькей Ноци, у Катедралним храме св.о. Миколая у Руским Керестуре були штири Служби Божо з мированьом – на 8, 10, 11,30 и на 19 годзин, а на 16 годзин и у манастире Малих шестрох Исусових Циґлашоре.
На Дзецинскей Служби на 11,30 г. було надосц младих родичох з дзецми, а виронаучни школярки трецей класи – Теодора Фа, Мая Сивч, Клара Катрина и Елеонора Дудаш виведли драмску сличку „Жени мироносци”, хтору з нїма пририхтала ш. Мария Пелих.
Гоч було досц жимно, хлапци и леґинє ходзели по облїваню, векшином основношколци и штредньошколци, а даєдни дзивчата були обляти и на драже. По облїваню ходзели и на парадним кочу, як видно у фото-ґалериї ґу тому тексту.
На Треци дзень Велькей ноци, на Шветли вовторок, Служби Божо буду як на швета, а нєшка дзивчата, дзивки и жени ходза облїваню.
