ВЕРБАС – На 16. Медзинародним сайме туризму и активного одпочивку „Ниш 2015” участвовала и Туристична орґанизация Општини Вербас, а потенцияли Вербасу и околїска представени на заєднїцким штанду Туристичней орґанизациї Войводини.
На истим штанду представени и Нови Сад, Апатин, Суботица, Вершец, Панчево, Ковачица, Жабель. Туристична орґанизациїя Општини Вербас на тей манифестациї наступела перши раз од початку роботи, од октобра 2013. року.
Як сообщене з Орґанизациї, акцент дати на представянє капацитетох и локацийох за активни одпочивок, рекреацию, пребуванє у природи и подобне, а нащивительох окреме интересовали викенд-аранжмани у вербаскей општини.