КУЛА – Всоботу у Кули отримана седма по шоре Атлетска манифестация „Обегованє приятельства“, на хторей ше обеговали коло 500 учашнїки зоз Сербиї, Босни и Герцеґовини, Горватскей и Чарней Гори.
Учашнїки бежали на дражки длужини 6 километери, а отримане и обегованє за дзеци, длужини 800 метери. Окрем змагательного характеру, манифестация промовує и активни живот при младих и подзвигує свидомосц о значносци спортских активносцох, наглашели орґанизаторе манифестациї – „АК Гайдук маратон тим Кула“.
Змаганє потримали Општина Кула, Покраїнски секретарият за спорт и младеж, Канцелария за младих Кула, компания „Ултимат нутришн“ з Беоґраду и други.