ШИД – На пияток, 21. авґуста, будзе отримана конститутивна схадзка Скупштини општини Шид на хторей будзе розпатрени звит Виберанковей комисиї о запровадзених виберанкох за одборнїкох Скупштини општини отриманих 21. юния.
На схадзки будзе вибрани Верификацийни одбор за потвердзованє мандатох одборнїкох, розпатри ше звит Верификацийного одбору и потим принєшу ришеня о потвредзованю мандатох одборнїком.
На схадзки буду вибрани предсидатель Скупштини, його заменїк и секретар Скупштини општини.
Схадзка заказана у сали Културно-образовного центру на дзевец годзин з почитованьом епидемиолоґийних мирох.