МИКЛОШЕВЦИ – Стретнуце руских основних и штреднїх школох, двацец перше по шоре, будзе отримане на соботу, 6. юния у Миклошевцох, як Подручней школи ОШ Чаковци, у Републики Горватскей.
На Стретнуце поволани школяре, наставнїки, професоре и директоре основних и штреднїх школох з местох дзе ше наставу орґанизує по руски и зоз школох у хторих ше руски язик виучує як виборни предмет з елементами националней култури у Сербиї и у Горватскей.
На Стретнуцох предвидзена културно-уметнїцка програма, обиходзенє грекокатолїцкей церкви у Миклошевцох и ОШ у Чаковцох, литературни и подобово роботнї за школярох, та схадзка Активу наставнїкох руского язика.
Стретнуце руских школох у Миклошевцох будзе отримане под покровительством Министерства науки, образованя и спорту Републики Горватскей, а у рамикох 165-рочнїци приселєня Руснацох до Миклошевцох.
Вєдно з домашню школу, Стретнуце орґанизує Дружтво за руски язик, литературу и културу з Нового Саду.