КУЛА – На стреду, 24. марца, будзе отримана порядна 17. схадзка Скупштини општини Кула на котрей перше буду потвердзени мандати одборнїком, односно преставанє мандатох, а будзе вибрани и нови предсидатель Скупштини општини.
Потим на дньовим шоре будзе и розправа о дополнєньох и вименкох буджету за 2021. рок, як и Звит екстерней ревизиї о буджету за 2020. рок. Посланїки буду гласац и о Одлуки за оцудзенє даскельо нєрухомосцох зоз явней власносци, як и о порушованю поступка оцудзованя вецей нєрухомосцох.
На дньовим шоре и вименка Кадровского плану Општинскей управи, потим и розпатранє звиту Кризного штабу за позарядово ситуациї з 2020. року.
Попри тих точкох, будзе вибрани и нови член до Општинскей ради, розришени и меновани члени у роботних целох СО Кула, члени надпатраюцих одборох явних подприємствох и установох, вибор директорох явних подприємствох и установох котрим снователь Општина Кула, як и розришенє и вибор нового члена Кризного штабу.