На ютре „Дньовка”

автор сен/зам
1.3k Опатрене
РУСКИ КЕРЕСТУР – Мултимедиялна програма младих „Дньовка”, 19. по шоре, будзе отримана на ютре у Велькей сали Дому култури, у орґанизациї младих зоз Здруженя „Пакт Рутенорум”.
Програма „Дньовки” почнє на 21 годзин, а участвую млади котри през рок були активни, цо будзе и ошвиженє у одношеню на прешлорочни програми, та ше з танцами, музику, поезию и прозу представя млади з Руского Керестура, Нового Саду, Дюрдьова и Зомбора.
Пре евентуални нєприкладни змисти, орґанизаторе нє препоручую же би на програму пришли дзеци младши од 13 роки, цо наглашели и на плакатох.
На тогорочни конкурс за найлєпши авторски фотоґрафиї з тему „Бунт” у рамикох „Дньовки” сцигли лєм осем фотоґрафиї, хтори, вєдно з виставу „Приватни живот Руснацох” автора Сашу Сабадоша, на ютре буду виложени у голу Дома култури.
З „Дньовку” будзе закончена тогорочна Културна манифестация „Костельникова єшень”, хтора почала 18. новембра

ПОВЯЗАНИ ТЕКСТИ