СУБОТИЦА – У сотруднїцтве з Националним совитом (НС) Горватох у Сербиї, Центер за виглєдованє етницитету на ютре, 4. марца, у Суботици орґанизує розгварки представительох националних совитох националних меншинох и локалних самоуправох о їх одношеньох, односно о витворйованю и защити людских и меншинских правох хтори, по законох, обовязни запровадзовац орґани локалних самоуправох.
На стретнуцу будзе слова и о наявених вименкох Закона о националних совитох, та о ускладзованю актох у локалних самоуправох зоз законами и подзаконскима актами хтори вязани за роботу и положенє „меншинских самоуправох” на локалним уровню.
Медзи другима, на ютрейши розгварки поволани и чолнїки општинох Кула и Вербас, представителє Националного совиту Руснацох, та орґанизацийох цивилного дружтва.
Сход почнє на 17 г. у просторийох НС Горватох, Прерадовичова 13, у Суботици.