КУЛА – У Кули, у просторийох Руского КУД „Др Гавриїл Костельник”, на ютре будзе отримана перша инициялна схадзка за формованє Орґанизацийного одбору за Централну преславу Националного швета Руснацох у Кули 2016. року.
Схадзка будзе на 18 годзин, а концом прешлого мешаца представителє Националного совиту Руснацох и Заводу за културу войводянских Руснацох од чолнїкох Општини Кула достали потримовку за технїчни и други роботи вязани за преславу нашого швета у Кули.